Өмірдің мәні – татулық пен алғыста!
1 наурыз күні А. С. Пушкин атындағы кітапханада алғыс күні аталып өтеді
1 наурыз күні сағат 10.00 де облыстық А. С. Пушкин атындағы кітапханада сағат 10.00 де алғыс айту күніне орай «Өмірдің мәні – татулық пен алғыста!» атты мерекелік іс-шара өтеді.
2015 жылдың 14 қаңтар күні Елбасы Қазақстан халқы Ассамблеясының құрылған күні - 1 наурызды Алғыс айту күні деп жариялау туралы Жарлыққа қол қойды.
Алғыс айту күні - ең алдымен, елімізде тыныштық пен үндестік, өзара сенім мен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.
Алғыс айту күні - қысқа мерзім ішінде Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін және Қазақстанның көпэтносты халқының ортақ тарихын құрметтеу күні. Бұл - ынтымақты және өзара көмек көрсетуді қолдаудың, репрессия мен жер аудару жылдарында қазақ халқы көрсеткен мейірімділік пен қамқорлықтың, рухани қайсарлықтың төл мерекесі болуға тиіс!
Мерекелік іс-шарада мереке туралы ақпарат берілік, тақырыптық кітап көрмесі ұсынылады, достыққа, татулыққа арналған мақал-мәтелдерден, сөзжұмбақтан жарыстар ұйымдастырылып, әндер шырқалады. Мерекенің жалғасы ретінде кітапхананың әр бөлімінде: медиа-сабақтар, «Рахмет үшін!» акциясы, «Рахмет айтамын!» сурет байқауы, «Алғыс айту шебері» ойыны сынды бағдарламалар ұйымдастырылады.