Үржарда былтыр жөнделген жолдарды қайта жөндеп жатыр

"Жұмыспен қамту жол картасы-2020" бағдарламасы аясында ұзындығы 9,8 шақырымды құрайтын Абылайхан даңғылына былтыр толықтай асфальт төселіп, жаяу жүргіншілер жолы мен жарықтандыру жұмыстары жүргізілген.

- Орынбасарым аудан орталығындағы Абылайхан даңғылы бойында атқарылып жатқан жұмыстарды тексеріп шықты. Қазір мердігер компания есебінен Абылайхан даңғылындағы жасалған жолды қайтадан жөндеу жұмыстары қолға алынды, - дейді аудан әкімі Нұржан Тоқсейітов.

Егінсу ауылының да жолы басталмай жатып аяқсыз қалған көрінеді.

- Ағымдағы жылы асфальт төсемесіне даярлау жұмыстары жүргізілетін болады. Яғни, жолды қырып, тегістеп және қиыршық тас төгу жұмыстары жүргізіледі. Ал асфальт төсеу жұмыстары жоспарға сәйкес қаражат бөлінген жағдайда жүргізілетін болады, - деді аудан әкімі.