Донское ауылында жылыжай салынып жатыр

Ұлан ауданындағы Донское ауылында жеміс-жидек өсіретін жылыжай құрылысы жүргізілуде. 

Донскоедағы жылыжай құрылысы аудандағы ірі жобалардың бірі. Жобаның басты ерекшелігі - жыл он екі ай үздіксіз өнім беретіндігінде. Жаңа кәсіпорынның арқасында ішкі және сыртқы нарыққа бағытталған жоғары сапалы, бәсекеге қабілетті өнім алу көзделген. Жылына мың тоннаға жуық өнім өндіруге қауқарлы кәсіпорынның аумағы 1,5 гектарды құрамақ. Құрылыс былтыр жылдың аяғында басталған. Голландиялық гидропоника технологиясы арқылы құрастырылмақ. Қызанақ, қияр сияқты көкөністерді өсіруге басымдық беріледі.

- Жергілікті халық үшін жаңа жұмыс орындары ашылып, жылыжайда Ұлан ауданының топырағында жақсы өсетін құлпынай, таңқурай, қарақат жидектерін өсіру жоспарланған. Жылыжайдан шыққан жеміс-жидектер әуелі облыс нарығына ұсынылмақ. Кәсіпкерлер кейін өнімді шетел асырып, экспортқа шығаруды да ойластырып отыр, - дейді Ұлан ауданының ішкі саясат бөлімінің мамандары.