Аягөзде аудандық ауруханада нәрестелерге ұлттық нақыштағы киімдер сыйға берілді

Ұлыстың ұлы күні жаңа босанған аналарға денсаулығын нығайту мақсатында ұлттық тағымы - Наурыз көже таратылды. 

- Ұлттық киімдер 16 наурыз күні дүниеге келген 5 сәбидің ауруханадан шығу рәсіміне орай табысталған. Жаңа туған сәбилеріміздің екеуі көршілес Үржар ауданынан болса, үшеуі Аягөз ауданының тумасы, - дейді әкімдік қызметкерлері.

Ұлттық нақыштағы киімдерімізді насихаттап, ұлт құндылығын жоғалтпаған аурухана әкімшілігіне ата-аналар дән риза. 

- Екінші сәбиімді Аягөз аудандық орталық ауруханасында дүиеге әкелдім. Бүгін шығарып салу кезінде дәрігерлер ұлттық киіммен келіп, балаларымызға ұлттық нақыштағы киімдерін сыйлап, шығарып салды. Қатты қуанып қалдық, - дейді үржарлық ана Саяжан Сарсенғали.

Айта кету керек, сәбилерге арналған ұлттық киімдер санитариялық талаптарға сәйкес залалсыздандырылған.