Самар жастары жақсылық жасап жарысуда

Наурыз мерекесі қарсаңында Самар ауылының жастары мен тұрғындары жалғызбасты қарттарға, көпбалалы және аз қамтылған отбасыларға көмек көрсетуде.

- "Самар агро-техникалық колледжінің" ұжымы мен студенттері, "Ардагерлерді ардақтайық" акциясы аясында ауылымыздағы тыл ардагерлерінің үй шаруасына көмектесіп, әлеуметтік аз қамытылған отбасыларға азық-түлік тарту етті, - деді Самар ауылдық округі әкімі аппаратының жастар саясаты жөніндегі маманы Ерназар Сауық.

Оның айтуынша, "Самар орталық мешітінің" ұжымы да ауылдың ерікті жасақтарымен бірге жалғызбасты қарттарға азық-түлік жеткізіп беріпті.
Карантин кезінде көмекке мұқтаж отбасылар ауыл жастарының қол ұшын созғандарына дән риза. 

- Ауылымызда осындай тәрбиелі, мейірімді жас-тар көбейе берсін. Сіздерге алғысым шексіз. Жастар тек Наурыз мерекесінде ғана емес, бұған дейін де талай көмектескен. Сіздердей ұрпақ өсірген ата-аналарыңызға мың алғыс! - дейді ауыл тұрғыны ризашылығын білдіріп.