Семейде ерекше көрме өтіп жатыр

Көрменің ерекшелігі - суретші Виктор Шмидт туындыларында пандемия кезіндегі жағдайды барынша шынайы бейнелеуге тырысқан. 

- Елдегі індет қылқалам шеберлерінің де назарынан тыс қалмады. Яғни, суретші карантин кезіндегі жағдайды қылқаламымен бейнелеген туындыларын жұрт назарына ұсынып отыр, - дейді музей директорының орынбасары Гүлнәр Бүркітова.

Маска бет пен эмоцияны жасырады. Десе де, суретші әркім өзінің бойындағы ерекшелігін жоғалтпауы керектігін жеткізгісі келгендей. 

- Суреттер әртүрлі материялдарға салынды. Себебі карантиндік жағдайда қажетті құралдар алуға мүмкіндік болмады. Сондықтан суреттердің көбі картон қағаздар мен тақтайшаларға салынды. Қазіргі таңда музейде санитарлық талаптар қатаң сақталуда. Келушілерді белгіленген мөлшерден артық қабылдай алмаймыз. Яғни, 10 адамнан артық болмауы тиіс. Музейге келу үшін алдын ала жазылу керек, - дейді Гүлнәр Бүркітова.