Глубокое ауданына ауызсу тартылады

Өткен жылы Глубокое ауданының Үлбі-Перевалочная және Карагужиха ауылдарында блокты-модульді станцияларды орнатуға облыстық бюджеттен 21 млн теңге бөлінген. Қазіргі таңда жабдықтарды орнату жұмыстары толығымен аяқталып, станциялар
кестеге сай жұмыс істеп тұр.

- Биыл Топиха, Калинино, Зимовье, Горная Ульбинка ауылдарында және Аврора станциясында саны аз елді мекендерді таза ауыз сумен қамтамасыз ету жоспарлануда. Халықты таза ауыз сумен қамтамасыз ету - Глубокое ауданының басым міндеттерінің бірі, - деп мәлімдеді облыс әкімдігі.

Айта кетейік, аталған ауылдарда блокты-модульді станциялар орнатылады. Бұл мақсатқа облыстық бюджеттен 47,5 млн теңге бөлінді.