Глубокое ауданында 300 орындық мәдениет үйі ашылды

Аталған аудан тұрғындары енді мерекелік концертті жаңа мәдени ошақта өткізбек. Мұнда тіпті үйірме сабақтарын өткізуге де жағдай жасалған.

- Глубокое кентінде Абай Құнанбайұлы атындағы Мәдениет үйінің ашылу салтанатына қатыстым. Осы сәтті жергілікті тұрғындар, әсіресе аудан орталығының жастары жылдар бойы күтті. Сыйымдылығы 300 орындық көрермен залы, үлкен сахнасы, сондай-ақ үйірме сабақтарын өткізуге арналған шеберханалары бар жаңа мәдениет үйі еңбектеген баладан, еңкейген қарияға дейін жиналып, бас қосатын орынға айналатыны сөзсіз, - дейді облыс әкімі.