Усть-Каменогорск и ВКО Шығыс Қазақстан облысында мәдениет үйі өртенді
Шығыс Қазақстан облысы Үржар ауданында екіқабатты мәдениет үйі ғимаратында өрт шықты
ШҚО Төтенше жағдайлар департаменті баспасөз қызметінің мәліметіне сүйенсек, 1 желтоқсан күні таңертең Сегізбай ауылындағы мәдениет үйін қызыл жалын шарпыған. Өрт сөндірушілер оқиға орнына жеткен кезде ағаш шатыр құрылымдары өртеніп жатты.
Следующая →
- 50 минут ішінде жалпы ауданы 160 шаршы метрді құраған тілсіз жау ауыздықталды. Алдын ала мәлімет бойынша өрттің шығуына пешті орнату және пайдалану кезіндегі өрт қауіпсіздігі ережелерінің сақталмауы себеп болуы мүмкін, - деп хабарлады ведомство өкілдері.Осы ретте, ТЖ департаменті өңір тұрғындарына өрт қауіпсіздігі талаптарын сақтап, барынша абай болу керектігін ескертеді.