Усть-Каменогорск и ВКО Аягөзде ескі ғимаратты іске жаратты
Аягөз қаласының Оңтүстік қалашығында тағы бір балаларға арналған балабақша ашылды
Аталмыш ауданда жаңа мектеп салынған соң, ескі мектеп ғимараты қалған. Ескі ғимаратты билік жергілікті бюджет есебінен қайта жөндеуден өткізіп, халық игілігіне қайта берген.
- Мектептің ескі нысанын жергілікті бюджет есебінен қайта жөндеуден өткіздік. Бүгінде жаңа балабақшада 8 топ, 190 бала бар. Бұл нысанды балабақша ретінде қайта құруымыздың басты себебі әскери қызметкерлердің балаларының көбі қалаға балабақшаға барады. Сондықтан әскерилерге барынша жағдай жасау үшін осындай шешімге келген болатынбыз, - дейді Аягөз ауданының әкімі Ділдәбек Оразбаев.
Нысанның ашылу салтанатына "Шығыс" өңірлік қолбасшылығы әскерлері мен қолбасшысы Асан Жүсіпов те қатысты. Жалпы, әскерилердің жағдайын ауданда үнемі назарда ұстайды. Жуырда ғана Мамырсу өңірінде ашылған жаңа балабақша да бұған дәлел.
