Казахстан ШҚО-да ҚР IV спорттық жастар ойындары басталды
«ЕХРО-2017» көрмесіне арналған аталмыш ойындарға Астана, Алматы қалаларының және ОҚО, СҚО сынды бірқатар аймақтардың спортшылары қатысуда
Өскеменде семсерлесуден Қазақстан Республикасының IV спорттық жастар ойындары басталды.
- Сіздерді шын жүректен аймақ басшылығы және Дене шынықтыру және спорт басқармасының атынан IV спорттық жастар ойындарының басталуымен құттықтаймын. Аймағымызда семсерлесу спортының даму қарқыны жаман емес. Жуықта ғана жерлесіміз Руслан Курбанов Азия Чемпионатын жеңіп алды, – деп ШҚО Дене шынықтыру және спорт басқармасының басшысы Асқар Можанов шараның ашылу салтанатында қатысушыларды құттықтады.
Әзірге сайыста алматылық спортшылар жоғары көрсеткішпен алдыңғы орында тұр. Айта кетсек, дәл қазір Өскеменде Ер Жәнібек атындағы семсерлесуден XIII халықаралық турнир өтуде.