Казахстан 5 күндік қорғаныс-спорттық сауықтыру лагері жиыны өтті
27-31 мамырда Ұлан ауданының Герасимовка ауылының «Герасимовка орта мектебі» КММ-де 5 күндік қорғаныс-спорттық сауықтыру лагері өтті
Бұл жиынға ауданның 24 мектебінен 10 сынып оқушыларының 94-і қатысты.
«Ұлан ауданының білім бөлімі» ММ-нің жылдық жоспарына сәйкес, барлық оқу-жаттығу сабақтары жиын бағдарламасы бойынша өткізілді.
Спорттың әскери-қолданбалы 8 түрінен жарыстар өтті. Взвод командирлерінің орынбасарлары Абай атындағы орта мектебінің оқушысы Бауыржан Үгітбекұлы, Б. Ахметов атындағы орта мектебінің оқушысы Асхат Ордыбаев, Ю. Гагарин атындағы орта мектебінің оқушысы Алмаз Рустемов, М. Ломоносов атындағы орта мектебінің оқушысы Санжар Ерғалиев болашақта жақсы командир бола алатындарын көрсетті.
Жас алғашқы әскери даярлық мұғалімдері арасынан взвод командирлері Қ. Карибаев және Ж. Күлмесханның, жиын басшысы М. Қуанышбаевтың жұмыстарына жоғары баға берілді.
