Уылдырық шашу кезеңі аяқталып қалды

Сәуір айының ортасынан маусым айының ортасына дейін балықтардың уылдырық шашуына байланысты облыс аумағындағы су айдындарында балық аулауға тыйым салынған болатын

Қазіргі уақытта кейбір су айдындарында балық аулауға рұқсат етілсе, енді бірінде әлі шектеу қойылған.

Облыстық табиғи ресурстар және табиғат пайдалануды реттеу басқармасының жедел қимылдау отряды аталған уақыт аралығында балық аулау бойынша 93 заңбұзушылық фактісін анықтаған.

- Браконьерлерден 23 тыйым салынған балық аулау құралдары мен 2400 метрден аса ау тәркіленді, - делінген басқарма таратқан ақпаратта.

Жайсан көлі мен Қарақастан Батин шоқысына дейінгі Бұқтырма су қоймасында балықтардың уылдырық шашу кезеңі аяқталғандықтан, қазір мұнда балық аулауға болады. Ал Батин шоқысынан Бұқтырма СЭС-іне дейінгі Бұқтырма су қоймасында 15 маусымға, Шүлбі су қоймасы мен Өскемен су қоймасында 10 маусымға дейін балық аулауға болмайды.

Темы: ШҚО Балық Бракооньер