Тасқын зардабын жоюға қаржы бөлінді

Дегенмен облыс әкімдігі үкіметтен келген бұл қаржының тасқын салдарын толықтай жоюға жетпейтіндігін, қаражаттың екі есе аз екендігін айтады.  

Айта кетейік, көктем мезгілі басталғанда облыста ірі су тасқыны болып, мың жарымға жуық үйді су алып, мыңнан аса отбасы жапа шеккен еді.  

- Қазір апаттан келген зардап көлемі есептеліп жатыр. ШҚО әкімдігінің өтініші бойынша үкіметтің резерв қорынан қаржы бөлінетін болады, - деді Ішкі істер вице-министрі Юрий Ильин Алматыда өткен баспасөз брифингте. 

Әкімдіктің алдын ала есептеуі бойынша, облысқа үш миллиард теңге қажет екен. Ал бірінші кезектегі инфраструктураларды қалпына келтіру үшін 1,2 млрд теңгедей қаржы қажет. Үкімет бұл қаржыны бөлуге келісім берді. Жақын арада облыс әкімдігінің есепшотына түседі.