Семейде жол жөндеу жұмыстары тәулік бойы тоқтамайды

Кентке баратын негізгі жолда жөндеу жұмыстары 10 жылдан астам уақыт бойы жүргізілмеген екен. Әрине, бұл өз кезегінде жол сапасының нашарлауына әкеліп, тұрғындар тарапынан көптеген шағымдар тудырған болатын.

- Кент проблемаларын кезең-кезеңмен шешу мақсатында Белібаев көшесінен Фабричный көшесіне дейін ұзындығы 4,4 км жолда орташа жөндеу жұмыстары басталды. Мердігер ұйым тәулік бойы жұмыс жүргізеді, жөндеу жұмыстарының аяқталу мерзімі - ағымдағы жылдың 20 қыркүйегіне дейін. Бұдан кейін, 20-30 қыркүйек аралығында Туристический көшесін жөндеуден өткіземіз, - деді Семей қаласының әкімі Бақытжан Байахметов. - Келесі жылы кентте көшелерді жарықтандыру және мектепке апаратын жолдарды қалпына келтіру жобасын іске асыруды жоспарлап отырмыз.

Сонымен қатар, сол жағалаудағы Молдағалиев көшесінің жөндеу жұмыстары түнгі ауысыммен жүргізілуде.

Қала басшысы жөндеу жұмыстарының сапасына ерекше назар аударылатындығын да атап өтті.