Ақсуат пен Ақжар ауылдарында футбол алаңы салынуда

Ауданға қарасты ауылдарда жастарының спортпен айналысуына барынша жағдай жасалуда.

- Дене шынықтыру мен спорттың материалдық базасын нығайту мақсатында "Ауыл-Ел бесігі" бағдарламасы аясында Ақсуат ауылында дене шыныктыру-сауықтыру кешенінің құрылысына 850,0 млн теңгеге бөлініп, мемлекеттік сатып алу процессі өткізілуде. Сонымен қатар, Ақсуат және Ақжар ауылдарында шағын футбол алаңы мен стрит-воркаут орнатуға облыстық бюджеттен 22 млн теңге бөлініп, жұмыстар жүргізілуде. Сондай-ақ, Шенгелді ауылына ауыл тұрғындарының ұйымдастыруымен футбол алаңы салынып пайдалануға берілді, - дейді аудан әкімі Асхат Смайлов.

Аудан әкімінің айтуынша, Тұғыл ауылындағы дене шынықтыру сауықтыру кешенін салуға облыстық спорт басқармасынан салалық қортынды алынып, экономикалық қортынды алу үшін олбыстық экономика және бюджеттік жоспарлау басқармасына бюджеттік өтінімге жіберіліпті.