Жармалықтар үшін бос жұмыс орындары жәрмеңкесі өтеді

Жұмыссыз және өзін-өзі жұмыспен қамтыған халыққа жұмыс тауып беру, мүмкіндігі шектеулі азаматтардың және пробация қызметінің есебінде тұрған тұлғалардың әлеуметтік жағдайын жақсартуды мақсат еткен шара барысында құзырлы органдар қызметшілері бірқатар ауыл тұрғынына кеңестер беріп, мемлекеттік грант алуға жәрдемдесті.

- Аудан аумағындағы ірі кәсіпорындар мен әлеуметтік, білім беру ұйымдары қатысқан жәрмеңкеде жалпы саны 28 кәсіпорын өздерінде бар бос орындарды жұмыс іздеп келген 17 жармалыққа ұсынды, - деп мәлімдеді аудан әкімдігі. - Бос орындар жәрмеңкесінің қорытындысы бойынша тоғыз адамға кеңес беріліп, нәтижесінде төрт адам грант алуға ниет білдірсе, бір адам тұрақты жұмыспен қамтылды. Сондай-ақ, екі адам қысқа мерзімді курстар бойынша оқуға бағытталса, бір маман жастар практикасы бойынша жұмысқа орналастырылды.

Айта кетейік, ауданда кезекті бос жұмыс орындары жәрмеңкесі 6 тамызға жоспарланған.