Усть-Каменогорск и ВКО Семейде жер үсті өткелі салынады
Семейдегі жаңа мешіттің солтүстік жағынан жер үсті өткелі салынбақ. Бұл туралы қала әкімі Бақытжан Байахметов әлеуметтік желідегі парақшасында жазды
- Жаңа мешіт аумағын абаттандыру жұмыстарын тексердім. Бұл жерде суару жүйесін ретке келтіру, жарамсыз төсемдерді ауыстыру және жекелеген учаскелерде көгалдандыруды ұйымдастыру қажет, - дейді әкім.Сонымен қатар, шаһар басшысы биыл мешіттің солтүстік жағынан жер үсті өткелін салу жоспарланғанын айтып отыр.
- Бұл мәселе өте өзекті. Қала тұрғындары бұл туралы әлеуметтік желілерде жиі жазады. Осы мәселедегі ең бастысы - адамдардың қауіпсіздігі, - дейді Бақытжан Байахметов.Қазір конкурстық рәсімдер өткізіліп жатыр екен. Техникалық және авторлық қадағалау компаниялары анықталыпты. Енді тамыз айының басында негізгі мердігерлік ұйым анықталады.
