ШҚО полицейлері көлікті айдап кеткен азаматты ұстады

Глубокое ауданы ПБ-ның  102 жедел арнасына хабарласқан 33 жастағы ер адам қала аумағында орналасқан дүкендердің бірінің жанында тұрған "Chevrolet" маркалы автокөлігін белгісіз адамдардың ұрлап айдап кеткендігі туралы айтқан. Жәбірленуші автокөлікті 2 000 000 теңге көлемінде бағалады.

- Патрульдік полиция қызметкерлері дереу "Қармау" жоспарын жариялады. Операция барысында "Өскемен – Шемонаиха" тас жолында ұрланған автокөлікті басқарған Глубокое кентінің 41 жастағы тұрғынын ұстаған. Күдікті қылмыс жасағанын мойындады. Шетелдік автокөлік тәркіленді, - деді ШҚО ПД бастығы Сағат Мадиев.

ШҚО ПД баспасөз қызметі хабарлағандай, аталған факті бойынша ҚР ҚК-нің 200-бабы, 1-бөлігі бойынша сотқа дейінгі тергеп-тексеру жүргізілуде.