Абай ауданының тұрғыны кәсібін кәдеге жаратты

Аталмыш жобаның мақсаты әлеуметтік аз қамтылған, жұмыссыз адамдарға қолдау 
көрсету. 
Өткен жылдың қортындысы бойынша, Абай ауданыда 80 адам мемлекеттік қолдауға ие болды.

Өз кәсібін ашып, жұмысын жандандырған жанның бірі - Абай ауданы, Қарауыл ауылының тұрғыны Арайлым Исатаева. Ол "Бастау Бизнес" жобасы бойынша кәсіпкерлік негіздерінен өтіп, сертификат алып, бағдарлама шеңберінде маникюр салонын ашуға 555 600 теңге қайтарымсыз грант алды. Бүгінде жеке кәсіпкер ретінде мемлекеттік кірістер басқармасына тіркеліп, өз жұмысын жүргізіп жатыр. 

- Мемлекет тарапынан бұрын-сонды ешқандай көмек алмағанмын. "Еңбек" бағдарламасы арқылы қолдаулар бар екенін ақпарат құралдарынан біліп, жұмыспен қамту орталығына келдім. "Бастау Бизнес" жобасымен білімімді жетілдіріп, мемлекеттік бағдарлама аясында қайтарымсыз грант ұтып алдым. Бағдарлама кәсібімді жетілдіруге үлкен септігін тигізді. Қазіргі уақытта мемлекет тарапынан жасалып жатқан қолдауларға ризашылығымды білдіремін, - дейді Арайлым Исатаева.