Үржар ауданындағы 48 отбасы үйлі болды

Осылайша аудан орталығындағы заманауи стандарттар бойынша салынған 48 пәтерлі үй пайдалануға берілді. Тәуелсіздік мейрамы қарсаңында Үржар ауданының орталығында бой көтерген үйлердің кілттері салтанатты түрде өз иелеріне табысталды.
Үйлердің құрылысы мемлекеттік "Нұрлы жер" және "Бір қабатты Шығыс" бағдарламалары аясында салынған.

- Үй кезегінде тұрған көпбалалы, аз қамтылған аналар аудандық тұрғын үй комиссиясының шешімімен пәтер иелері атанды. Тәуелсіздік күні мейрамында жаңа үйге көшіп келіп жатқан тұрғындарды шын жүректен құттықтаймын. Алдағы уақытта ауданда 200-ге тарта пәтер салынып, тұрғындарға берілетін болады, - дейді Үржар ауданының әкімі Нұржан Тоқсейітов.