Жармада тұрғын үй құрлысы жанданды

Аталған ауданда 2020 жылдың қаңтар-қазан айлары аралығында аудан экономикасына бағытталған негізгі инвестицияның көлемі 32,5 млрд теңгені құрап отыр. Бүл көрсеткіш өткен жылмен салыстырғанда 9 млрд теңгеге артты. 

- Тартылған инвестициялар республикалық маңызы бар тас жолдарды қайта жөндеу жұмыстарына және баламалы энергия өндіру жобасы бойынша «Жаңғыз Солар» ЖШС-на, Бақыршық тау-кен кәсіпорынының тау-кен байыту комбинатына тиесілі. Сонымен бірге, мемлекеттік, салалық бағдарламалар мен «Аумақты дамыту» бағдарламасы аясында 3 млрд 679 млн теңгеге 60 жоба жүзеге асырылуда. Олар халықты таза ауыз сумен қамтамасыз етуге, әлеуметтік нысандар мен жолдарды жөндеуге және көгалдандыруға бағытталған. Соның ішінде «Жұмыспен қамту жол картасы-2020» бағдарламасы аясында 25 жоба, «Ауыл - ел бесігі» бағдарламасы аясында - 5 жоба іске асырылуда. Өңірлерді дамыту бағдарламасы шеңберінде 3 ауылда сумен жабдықтау желілерін салу бойынша жұмыстары қолға алынып отыр, - дейді Жарма ауданының әкімі Ахметқали Нұрғожин.

Айта кетейік, «Нұрлы жер» бағдарламасы аясында Қалбатау ауылында 14 жеке үй салынды. Сонымен қатар, Қалбатау ауылында 10 және Шар қаласында 5 екі пәтерлі тұрғын үйдің құрылысы жүргізілуде.