Бесқарағай ауданы ескі құрылыс материалдарын керекке жаратты

Жұмыс барысында аудандағы мектеп ауласы да назардан тыс қалмады. Борас орта мектеп-балабақшасының кіреберіс, алдына тас төсеуіштер қалау жұмыстары да жүргізілді.

- Жаңа орталық алаңның құрылысы аудан орталығының бірнеше нысандарында абаттандыру жұмыстарын жүргізуге мүмкіндік берді. Брусчатканы екінші рет пайдаланып, "Борас орта мектеп-бақшасы "КММ кіреберіс алдына брусчатканы қалау жұмыстары жүргізілді. Сонымен қатар, аудандық мәдениет үйі ғимаратының алдына қосымша 1200 дана брусчаткалар төселеді. Бұдан басқа, орталық алаңның бұрынғы металл қоршауы ауданның бірқатар мекемелері мен ұйымдары орналасқан әкімшілік ғимараттың алдына орнатылды. Жарамсыз болып қалған ағаш қоршаудың орнына қайта пайдаланылатын брусчаткаларды төсеу бойынша жұмыстар жүргізілді, - дейді Бесқарағай ауданының әкімі Шалқар Байбеков.

Оның айтуынша, әкімшілік ғимараттың аумағын жарықтандыратын шамдар орнатылыпты. 

- Орталық алаңның металл құрылымы Бесқарағай ауылындағы екі балалар алаңына қоршау орнату үшін пайдаланылды. Мүмкіндік болса, біз абаттандыру үшін бүлінбеген, бөлшектелген құрылыс материалдарын қайта пайдалануымыз керек. Бұл ғимараттың сыртқы келбетін жақсартуға және бюджет қаражатын үнемдеуге мүмкіндік береді, - дейді аудан әкімі.