Бородулихада волейболдан турнир өтті

- ШҚ АЭК жұмыскерлері, жеке кәсіпорын қызметкерлері, әкімдік қызметкерлері мен мектеп мұғалімдерінен командалар құрылып, өзара бақ сынасты. Әр түрлі сала қызметкерлері болса да, ойынға қатысушылардың барлығы жеңіс үшін бар күшін салды, - деп мәлімдеді Бородулиха ауданы әкімдігі.

Тартысты ойын нәтижесінде турнирдің бірінші орны жеке кәсіпкерлерге бұйырды. Ал екінші орынды М. Әуезов атындағы орта мектеп ұжымынан құралған команда алды, үшінші орын шенеуніктерге бұйырыпты. Яғни, жүлделі үштікті әкімдік қызметкерлері аяқтады.

- Үздік ойыншылар да анықталды. "Үздік шабуылшы" - Алмат Қожабаев, "Үздік байланыстырушы" - Елдар Жаманбалин, "Үздік қорғаушы" - Нұрлан Аубакиров, "Пайдалы ойыншы" - Олег Попов, - деп хабарлады әкімдіктегілер.