Жармада жәрмеңкелер енді жиі өтеді

Қалбатау мен Ақжал ауылдық округ әкімдіктерінің шаруа қожалықтары өз өнімдерін ұсынды. 

- Тұрғындарды тиімді бағадағы өңірлік өнімдермен қамтамасыз етуге бағытталған жәрмеңкеде Жарма ауданының әкімі Ахметқали Нурғожин де болды. Аталған ауылдық округтер ет-сүт өнімдерін нарықтық бағадан 10-20% арзан бағада ұсынды, - деп жазды аудан әкімдігі өзінің әлеуметтік желідегі парақшасында.

Байқағанымыздай, жәрмеңкеде сиырдың сан етінің келісі 1800, қой еті 1700 теңгеден саудаланған. Сонымен қатар, балдың да мол таңдауы болған көрінеді.

Аудан әкімдігіндегілер ауылдық аумақтық әкімдіктерімен бекітілген кестеге сәйкес алдағы уақытта мұндай жәрмеңкелер жалғасын табатындығын 
жеткізді.