Гуманитарлық көмекке келген заттарға арнайы мөртаңба басылды

28 тамыз күні ШҚО Денсаулық сақтау басқармасының қоймасына Түркия, Германия мемлекеттерінен және Қытай Халық республикасы мен Ресей Федерациясының Санкт-Петербург қаласынан гуманитарлық көмек ретінде вирусқа қарсы препараттар мен медициналық құралдар жеткізілді.

"Шығыс - Адалдық алаңы" жобалық кеңсесінің менеджері Думан Кенжеғазин аймақтық сыбайлас жемқорлыққа қарсы департамент өкілдерімен бірлесіп гуманитарлық тауарды мақсатсыз пайдалану тәуекелін болдырмау үшін, барлық келіп түскен дәрі-дәрмектер мен бұйымдарға "Гуманитарлық көмек - тегін" арнайы мөртаңбасымен таңбалау жұмыстарын жүргізді.

Аймақтық департамент пен жобалық кеңсе қызметкерлері елге келіп түсетін барлық гуманитарлық көмекті бөлуде ашық бақылау процесін жолға қойған және осы бағытта жұмыс жалғасатын болады.