Түзету мекемесінде шығармашылық байқау өтті

Бұндай байқаулар мекеме ішіндегі жазасын өтеушілердің өз-өзіне қол жұмсауы сынды әрекеттердің алдын алу, құқықбұзушылықты болдырмау мақсатында жыл сайын өткізіліп отыратындығын айтады Семей қаласы ОВ-156/16 мекемесінің "Психологиялық қамтамасыз ету тобының" инспектор психологы  А. Оразбаева.

- Жазасын өтеушілер арасында "Мына дүние қандай тамаша!", "Менің болашағым", "Босағаннан кейінгі менің өмірім", "Менің отбасым", "Менің мақсаттарым" тақырыптарында шығармашылық конкурс ұйымдастырылды. Конкурстың негізгі мақсаты - сотталғандардың психологиялық көңіл-күйін зерттеу, қасақана құқықбұзушылықтар, дене жарақаттарын салу және өз-өзіне қол жұмсау фактілерінің алдын алу және тәрбиелік бағытта психоэмоционалдық климатты түзету, - дейді сотталғандар арасында әлеуметтік-психологиялық  тәрбие бөлімінің басышысы әділет майоры  М. Сағымбаев.

Арнайы байқау комиссиясы сотталғандардың жұмыстарын бағалау арқылы үздіктері таңдап, жүлдегерлерді бағалы сыйлықтармен марапатады. Жасақтар арасында 4 жұмыс байқауға қатысқан екен. 

- Бұндай шығармашылық іс-шаралар үйіңе деген сағыныш, отбасыңа деген махаббат, істеген қылмыс үшін өкініш, өтіп жатқан өмірің туралы іштегі ой-толғанысыңды өлең, шығарма арқылы сыртқа шығаруға мүмкіндік береді. Яғни, бір кезде сүрініп, жаңылып кетсең де, әлі де қоғамға керек екеніңді сезінуге септігі тиеді, - дейді жазасын өтеуші Қ. Қазанқапов.