Мектеп формасы кімдерге тегін беріледі?

ШҚО әкімі Даниал Ахметовтің айтуынша, мұқтаж отбасылардағы әрбір бала назардан тыс қалмайды.

- 20 тамызға дейін 48 мың оқушы тегін мектеп формасымен қамтамасыз етіледі. Сондай-ақ, осы категориядағы балаларға аяқ киім берілмек. Биылғы оқу жылынан бастап аз қамтылған және көпбалалы жанұялардан шыққан 3 764 бүлдіршін балабақшаға еш ақысыз барады, - деді ол әлеуметтік желідегі тікелей эфир барысында.

Бұдан бөлек, 21 524 оқушы қоғамдық көліктерде тегін жүретін болады. 1,6 мың балаға нарықтағы сұранысқа ие техникалық мамандықтар бойынша тегін білім алуға мүмкіндік жасалып отыр. Сонымен қатар, осы санаттағы балалар жоғары оқу орындарында облыс әкімінің гранты аясында білім алмақ.