Ұшақтар кентінде ауызсу тартылуда

Қала әкімдігінің айтуынша, аталған кенттің су және электр қуатымен қамтамасыз етілмеуіне жақын маңдағы ауылдардан көшіп келген тұрғындардың өз бетімен үй салып, ретсіз орналасып алғаны себеп болған. Осылайша тұрғындар қауіпсіздік нормаларын дұрыс сақтамай отырған көренеді.
Жұмыс 2018 жылдың қазан айында басталған. Мердігер компания "Востокстройгрупп" ЖШС болған.

- Компания жұмысты биылғы желтоқсан айына дейін аяқтауды міндетіне алған. Қазір жоспардың 80%-ы орындалды. Тұрғындарының ауызсу мәселесі күзге дейін шешіледі, - дейді қалалық ТҮКШ бөлімінің басшысы Амантай Өтелбаев.

 
Жауапты мекеменің сөзіне сүйенсек, нысанды аяқтау үшін №13 көшеден РП-ға дейін кәбіл төсеу, ССП монтаждау, есептегіш аспап орнату қажет екен. Ал 5 тамызда құрылыс нысанына қажетті кәбіл жеткізілетін болады. Жұмысты 28 тамызға дейін аяқтамақ.