Айыппұл арқалап жүрмеңіз

Осы уақытта ТЖ режімін бұзып, тәртіпке бағынбағандар заң жүзінде жауапқа тартылады. Қандай тәртіп бұзушылыққа қандай жаза түрі қарастырылған:

• Мерзімдер мен уақыт шектеулерін сақтамау (ҚР ӘҚБТ кодексінің 476-бабы) - 10 АЕК айыппұл немесе 15 тәулікке дейін қамауға алу;
• Билікке бағынбау (ҚР Қылмыстық кодексінің 379-бабы) - 2 мың АЕК айыппұл немесе 2 жылға дейін бас бостандығынан айыру; 
• Полицияның талаптарына бағынбау (ҚР ӘҚБТ кодексінің 667-бабы) - 40 АЕК айыппұл немесе 10 күнге дейін қамауға алу);
•  Санитарлық-эпидемиологиялық қадағалау органдарының нұсқамаларын орындамау (ҚР ӘҚБТ кодексінің 462-бабы) - 500 АЕК-ке дейін айыппұл;
•  Санитарлық ережелер мен гигиена нормаларын бұзу (ҚР ӘҚБТ кодексінің 425-бабы) - 5 миллион теңгеге дейін айыппұл.

Адам өліміне әкелетін санитарлық ережелер мен гигиена нормаларын бұзу (ҚР ҚК 304-бабы) - 2 мың АЕК айыппұл, 10 жылға дейін бас бостандығынан айыру; Төтенше жағдай кезінде жасалған қоғамдық тәртіпті бұзуға немесе азаматтардың немесе ұйымдардың құқықтары мен заңды мүдделеріне немесе қоғамның немесе заңмен қорғалатын мемлекеттің мүдделеріне елеулі зиян келтіретін қасақана жалған ақпарат тарату (ҚР Қылмыстық кодексінің 274-бабының 4-бөлігі) - мерзімге бас бостандығын шектеу үш жылдан жеті жылға дейін немесе дәл осындай мерзімге бас бостандығынан айыру.