Усть-Каменогорск и ВКО Азық-түлікті үйге жеткізіп береді
Елімізде қауіпті пандемия жұқтырған науқастар саны күн санап артып келеді. Сол себепті алдын алу шаралары да барынша күшейтілді
Вирус жұқтыру қаупі жоғары болғандықтан халық көп шоғырланатын орындарға барудан тыйылған жөн. Осы мақсатта Өскемен қаласында әлеуметтік әлсіз топ мүшелеріне ең қажетті заттарды үйіне жеткізіп беретін қызмет пайда болды.
- Коронавирустың алдын алу мақсатында Өскемен қаласында еріктілердің бастамасымен қарттарға және мүмкіндігі шектеулі жандарға азық-түлік пен дәрі-дәрмекті үйіне дейін жеткізу қызметі құрылды, - деп мәлімдеді қала әкімі Жақсылық Омар өзінің инстаграм әлеуметтік желісіндегі парақшасында.
Көмек көрсету сұрақтары бойынша +7-747-202-13-26, 25-01-90 телефондарына хабарласуға болады.