Әуен ырғағы – жаны жас жандармен бірге

Кездесуді өткізу барысының маңызы – оқушылар үшін тарих қойнауының көптеген құнды естеліктері бар сәттерді естерінде сақтай отырып, ол қазынаны келешек ұрпаққа жеткізе білу мүмкіндігі болды. Өткізілген іс-шараның негізгі мақсаты – дана адамдардың шығармашылығын қолдау, өмірлік дағдыларды қалыптастыра отырып, тәжірибе алмасу.

Директор орынбасары Г.Т. Мухтарханова  атап өткендей, оқушылар және педагог-ұйымдастырушы-кураторлармен өткізіліп отырған бұл іс-шара – Назарбаев зияткерлік мектебінің атаулы дәстүріне айналды. Қайырымдылық, мейірімділік әр уақытта да біздің халқымыздың басты құндылықтары болып қала береді. Өзгелерге көмектесу арқылы өзің өсіп - өнесің. Жаңа, тың дүниелерге үйренесің.

Бүгін "Марқакөл" шаңырағы оқушыларымен бірге кураторы А.К. Каримова  күшімен 60-70 жылдардың үздік әндері бойынша би форматында жоғары деңгейлі би кеші өткізілді. Қонақтар жастық шақтың әсерлі әуендеріне биледі. Кездесу өте жоғары деңгейде өткізілді.

- Сен көмек қолын созған адамдардың көздері жасқа толып тұрып, шын жүрегімен алғыс айтқан кезде, бұл әлемде босқа өмір сүріп жатпағаныңды түсінесің, - деп ағынан жарылды 10 "А" сынып оқушысы Карина Халел.

Аудиторияның атмосферасы өте мейірімге толы әрі жайлы болғандықтан - барлығы өздерін еркін сезінді. Барлық қатысушылар жағымды эмоциялар мен тамаша көңіл - күйге бөлене алды. Бірлескен отырыс, шәй ішу – уақытты жақсы өткізумен қатар, әңгіме алмасуға өте керемет мүмкіндік болды.