Балама жазалардың қолданылуы кеңейді

Пробациялық бақылау тек шартты сотталғандарға емес, сондай-ақ бас бостандығын шектеу, шартты түрде мерзімінен босатылғандар және әкімшілік бақылау қойылған тұлғаларға қойылады.

2019 жылдың 9 айы бойынша Солжағалау пробация бөлімінде 163 адам есепке алынды (2018 ж – 188). Бұл өткен жылға қарағанда 25 адамға көп, оның ішінде ҚАЖ мекемелерінен ҚР ҚК 73-бабы бойынша жазаларды ауыстыруына байланысты 20 адам келген (2018 ж - 34).

- Пробация қызметінің негізгі бағыты – қайталама қылмыстың алдын алу мақсатында сотталғандардың мінез-құлқын өзгерту, - дейді ШҚО бойынша ҚАЖД Солжағалау аудандық ПҚБ аға инспекторы әділет капитаны А. Алимова. - Алайда сотталғандардың қайталама қылмысты алдын алу мақсатында қабылдаған іс-шараларға қарамастан сотталғандар жаза өтеу тәртібі мен шарттарын бұзуға барып, қоғамдық тәртіпті бұзуға бағытталған әкімшілік құқықбұзушылық жасайды.

2019 жылдың 9 айы бойынша сотқа аумақтық пробация қызметтерімен бас бостандығын айыруға 12 (2018ж. – 9) материал жолданған, шартты түрде соттылығын жою 1 (2018 ж – 3) материал жолданған.

Сотқа материал жолдау барысында пробация қызметінің инспекторлары Қазақстан Республикасының Қылмыстық кодексі және Қылмыстық-атқару кодексімен басшылық етеді.

Сотқа материал жолдағанға дейін сотталған тұлғалардан жаза өтеу тәртібі мен шарттарын бұзбау мақсатында профилактикалық сұхбат жүргізіледі.