Усть-Каменогорск и ВКО "Сана" бағдарламасы арқылы Абай әлеміне саяхат жасады
Қазақтың бас ақыны Абай Құнанбайұлының шығармашылығына арнап, №15 мектеп игілікті іс-шара өткізді
Кеш өзгеше форматта ұйымдастырылған. Әдеби кеш "Сана" атты бағдарлама негізінде өрбіді. Алдымен оқушылар викториналық сұрақтарға жауап беріп, құрметті қонақтармен танысты. Ары қарай шара ел Президенті жолдаған эстафетамен жалғасты. Эстафетаны қабылдап, өзгелерге жолдаған оқушылар ортаға шығып, ойларымен бөлісті.
Кеш қонағы С. Аманжолов атындағы ШҚМУ-дың ұстазы, тілші, ономастик ғалым Бердібек Бияров оқушылардың сұрақтарына жауап беріп, ойын ортаға салды. Әдеби кеш соңында мектеп оқушылары "Абай жолы" романынан театрландырылған қойылым қойды. Қойылымға қатысқан 1-сыныптың екі оқушысын саханаға қадам басуымен құттықтап, марапаттады.