Пробация қызметінің бағыты

Пробациялық бақылау тек шартты сотталғандарға емес, сондай-ақ бас бостандығын шектеу, шартты түрде мерзімінен босатылғандар және әкімшілік бақылау қойылған тұлғаларға қойылады.

- 2019 жылдың 9 айы бойынша Солжағалау пробация бөлімін 163 адам өткен (2018ж. – 188), бұл өткен жылға қарағанда 25 адамға көп, оның ішінде ҚАЖ мекемелерінен ҚР ҚК 73-бабы бойынша жазаларды ауыстыруына байланысты 20 келген (2018ж.- 34), - дейді ШҚО бойынша ҚАЖД Солжағалау аудандық ПҚБ аға инспекторы әділет капитаны А. Алимова

Пробация қызметінің негізгі бағыты – қайталама қылмыстың алдын алу мақсатында сотталғандардың мінез-құлқын өзгерту.

Алайда қайталама қылмысты алдын алу мақсатында қабылданған іс-шараларға қарамастан, сотталғандар жаза өтеу тәртібі мен шарттарын, қоғамдық тәртіпті бұзуға бағытталған әкімшілік құқықбұзушылық жасайды.

- 2019 жылдың 9 айы бойынша сотқа аумақтық пробация қызметтерімен бас бостандығын айыруға 12 (2018ж. – 9) материал жолданған, шартты түрде соттылығын жою 1 (2018 ж – 3) материал жолданған, - дейді әділет капитаны.

Сотқа материал жолдау барысында пробация қызметінің инспекторлары Қазақстан Республикасының Қылмыстық Кодексі және Қылмыстық-атқару Кодексін басшылыққа алады.

Сотқа материал жолдағанға дейін сотталған тұлғалар жаза өтеу тәртібі мен шарттарын бұзбауы үшін профилактикалық маңызы бар әңгімелесу жүргізіледі.