Усть-Каменогорск и ВКО Тұрғын үй кезегін қалай тексеруге болады?
Тұрғын үй кезегі туралы ақпаратты электронды үкімет порталы немесе "Mgov" мобильді қосымшасы арқылы алуға мүмкіндік бар
Сол сияқты Өскемен қаласының тұрғын үй қатынастары бөлімінде немесе бөлім порталында көрсетілген кезек тізімін kdmyk.kz арқылы да қарауға болады.
Тұрғын үйді бөлу мекемелеріне барғанда уақытты үнемдеу үшін электронды үкімет порталына немесе "Mgov" мобильді қосымшасына кіру қажет (кезекті қарау үшін пайдаланушыға ЭЦҚ және порталда авторлану қажет).
Содан кейін "Жылжымайтын мүлік" бөліміне, ары қарай "Тұрғын үй қатынастары" бөліміне өтіп, "Мемлекеттік қордан тұрғын үй кезегін қарау" деген батырманы басу қажет.
- Бұл қызмет тегін және электронды үкімет порталына жүгінген кезде бірден көрсетіледі, – дейді "Азаматтарға арналған үкімет" АҚ-ның ШҚО бойынша филиалының баспасөз қызметі.
Айта кетейік, бүгінде Өскемен қаласында 11 мыңнан астам адам пәтер кезегінде тұр.
