Усть-Каменогорск и ВКО Шығыстан көшушілер көп
Шығыс Қазақстанда жыл басынан бері үш айдың ішінде 600-ден астам адам көшіп кеткен
2019 жылдың наурызындағы статистикаға қарағанда, аймақта 1 млн 378 мыңға жуық адам тұрып жатыр. Оның ішінде 850 мыңға жуығы қалада қоныстанған болса, 530 мыңға жуығы - ауыл тұрғындары.
- 2019 жылдың қаңтарынан бастап наурыз айына дейін аймақтағы халық саны 640 адамға қысқарды. Ал қала халқы 0,1% көбейсе, ауыл халқы 0,1% азайды, - дейді ШҚО Статистика департаментінің басшысы Әлібек Мақажанов.
Жалпы, шығыс халқының саны жыл сайын азайып барады. Мәселен, 2017 жылдан 2018 жылға дейін 6 мыңнан астам адам көшіп кеткен болса, былтырдан бері бір жылдың ішінде 5 мыңнан астам адам шетке кеткен.
