Усть-Каменогорск и ВКО Өскемен-Алматы тас жолында қалған көліктер жылжи бастады
Өскемен-Алматы тас жолында жолда қалған 312 адамның әзірше 40-ы ғана үйлеріне қайтқан
Қазір жол аршыла бастады, екі-үш сағаттың ішінде жол толықтай ашылады. Облыстық жолаушылар транспорты және автомобиль жолдары басқармасының мәліметіне қарағанда, жолда қалған 312 адам қалған.
- Оның ішінде 48 адам Таскескен ауылындағы ауруханаға, 95 адам мектепке, 19 адам колледж ғимаратына, 70 адам тас жол бойындағы кафеге орналастырылды. Ал 60 адамды ауыл тұрғындарының үйіне жайғастырылды. Ал 40 адам Үржарға үйлеріне жетті, - дейді басқарма басшысы Нұржан Жұмаділов.
Жергілікті әкімдік жолда қалғандарға ыстық тамақ ұйымдастырып, көлік иелеріне 70 литр жанар-жағармай берілген.
Қазір көліктер Аягөзге қарай жылжи бастаған. Үш сағаттың ішінде жолда қалған көліктердің барлығы жолға аттанбақ.
