Усть-Каменогорск и ВКО Зырянда тілсіз жау адам өмірін жалмады
Зырян ауданында орын алған өртте ер адам қаза болды
Оқыс оқиға кеше түнгі сағат 2-лер шамасында орын алған. Өрт Зубовск кентіндегі жер үйде шыққан. Жалынды байқаған куәгерлер дереу өрт сөндіру қызметін шақыртқан. Ал құтқарушылар жеткенше ағаш шатырды түгел шарпып, шатыр қирай бастаған.
- Үй ішіне енген өрт сөндірушілер жерде жатқан 1931 жылғы үй иесінің мәйітін тапқан, - деп хабарлайды ШҚО ТЖД баспасөз қызметі. - Өрт екі жарым сағатта жойылды.
Өрт 40 шаршы метр аумаққа таралған. Мамандар өрттің шығуына пешті салу және пайдалану кезінде өрт қауіпсіздік техникаларын сақтамау және от қауіпсіздігіне салғырт қарау себептерін қарастыруда. Өртті жоюға өрт сөндіру қызметінің жеке құрамының 5 маманы мен 2 бірлік техника жұмылдырылды.
