ШҚО-да ақсақа балығын аулауға уақытша тыйым салынды

Ақсақа балықтарының уылдырық шашу кезеңі 10 қарашадан басталады, шамамен, 10 желтоқсанда аяқталады, деп хабарлайды Устинка Live.

Соған байланысты аталған уақыт аралығында балық ресурстары мен басқа су жануарларын уылдық шашу мен көбею кезеңінде қорғау мақсатында балық аулау жұмыстарына тыйым салынып отыр.

- Жайсан көлінде, Бұқтырма және Өскемен су қоймаларында және Өскемен СЭС-нан Шүлбі су қоймасына дейін, Шүлбі СЭС-нан Павлодар облысының әкімшілік шекарасына дейінгі Ертіс өзенінде ақсақа балық түрлерін 10 қарашадан 10 желтоқсанды қоса алғандағы аралықта аулауға тыйым салынды, - делінген Шығыс Қазақстан облыстық орман шаруашылығы және жануарлар дүниесі аумақтық инспекциясы таратқан ақпаратта.

Ал ақсақа балығынан басқа балықтарды аулауға болады.