Усть-Каменогорск и ВКО Биыл көшіп кеткендер көп
Қазақстаннан бес айдың ішінде 40 мыңға жуық адам көшіп кеткен. Өзге елге көшкен жерлестердің саны жыл сайын артып келеді
Бұл жайында елдің Ішкі істер министрлігі хабарлап отыр. Көбінесе, Қостанай мен Шығыс Қазақстанның, Қарағанды мен Павлодардың, Алматының тұрғындары шет елге көшіп кетеді екен. Қоныс аударған қазақстандықтардың көпшілігі Ресей мен Германияның, Польша мен АҚШ-тың, Израильдің азаматтығын алған.
Ал алты айдың ішінде Шығыс Қазақстаннан 2400-ге жуық адам ТМД елдеріне тұрақты тұруға, алыс шетелге 48 адам көшуге өтінішхат берген.
Статистика комитетінің деректеріне сүйенсек, былтыр Қазақстаннан 38 мыңға жуық адам көшіп кеткен. Ал биыл бес айдың ішінде ғана 40 мыңға жуық адам өзге елге қоныс аударып үлгерген. Демек, биыл шетелге қоныс аударғандардың саны былтырмен салыстырғанда екі есе көп болуы мүмкін деген болжам бар.
