Сүт фермасы алғаш рет ашылғалы отыр

Аудан басшысының айтуынша, Ортабұлақ ауылында салынып жатқан сүт өнімдерін шығаратын ферма биыл жазға дейін ашылады.

- Құрылыс жұмыстары толықтай аяқталып, қажетті құрал-жабдықтар орналастырылған. Енді ғимараттың сырты ғана жөнделеді. Сауылатын сиырлар Ресейден әкелінеді. Бұл - ауданда ашылғалы отырған алғашқы сүт фермасы, - дейді аудан әкімі Нұрлан Батташұлы.

Қазір ауданда бес сүт қабылдау орны бар. Бұл сүт қабылдау орындары былтыр мың тонна сүтті дайындап, Өскемендегі кәсіпорындарға жіберген. 

- Биыл тағы бір сүт қабылдау орны ашылады. Ал қабылданатын сүттің көлемін мың жарым тоннаға дейін жеткізу жүктемесін қойып отырмыз, - дейді аудан басшысы.