Бағаның көтерілмеуін қадағалайды

Тауар бағасының тұрақтылығы мен көтерілмеуін қадағалау мақсатында облыстық кәсіпкерлік және индустриялық-инновациялық даму басқармасы күнделікті мониторинг жүргізеді.

- Бүгінде облыста 54 "Ардагер" дүкені және 930 әлеуметтік дүңгіршек бар. Сонымен қатар, қала және аудан әкімдіктері 437 ауылшаруашылық тауар өндірушілерімен, 4071 сауда нысандарымен "сауда үстемесі 10%-дан аспау туралы" меморандум жасасты, - дейді облыстың кәсіпкерлік және индустриялық-инновациялық даму басқармасы басшысының орынбасары Ольга Григорьева.

Айта кетейік, 2017 жылдың қараша айынан бастап әлеуметтік-кәсіптік корпорацияның 13 сауда нүктесінде көкөністердің 1 келісі үстемесіз 75 теңгеден. Ал 10%-дық үстемемен Өскемен қаласының 24, Семей қаласының 40 сауда нүктесінде көкөністердің 1 келісі 83 теңгеге сатылуда.