Жиһаз үлгісі зияткерлік мектептен алынған

Облыста отандық тауарларды қолдау мақсатында Шығыста өндірілген жиһаздарды сатып алып, мектептер мен балабақшаларға орналастыру жұмысы жоспарға қойылғаны белгілі. 

Ал қазіргі уақытта сатып алынатын мектеп жиһаздарының техникалық, санитарлы-эпидемиологиялық талаптары қабылданған. Мектепке қандай үлгі мен нобайдағы жиһаздардың құрастырылуы тиіс екендігі шешілген. Ал үлгі Назарбаев атындағы зияткерлік мектептің жиһаздарынан алынған. 

- Өскемен қаласында орналасқан Н.Назарбаев зияткерлік мектебінде орналасқан жиһаздардың үлгісіндей парталар мен орындықтар дайындалмақ. Ең алдымен, 277 мектептің 425 кабинетіне арнап жиһаздар сатып алмақпыз, - дейді дейді ШҚО Кәсіпкерлік және индустриялық-инновациялық даму басқармасының басшысы Мақсат Тұрсынғазыұлы. - Ал облыстағы барлығы 580 кабинетке жаңадан парта мен орындық қажет.

Негізінен, 2013 жылы және 2015 жылы сатып алынған мектеп парталары ауыстырылмақ.