Алаш қайраткері Әлихан Бөкейхановтың ескерткіші ашылды

Ескерткіштің авторы Қазақстан суретшілер одағының мүшесі Бақытбек Мұхамеджанов Әлихан Бөкейхановтың қолына асық ұстатып, жанына кітаптар қойылған жазу үстелін орналастырған.

Мүсіншінің айтуынша, асық қазақ түсінігінде ұрпақ ұғымын білдіреді, ал Алаш көсемі бір ғасырдың ұрпағына тәлім берген бірегей тұлға.

Мүсіннің биіктігі - 5,5 метр. Мүсіннің тұғыры 1.9 метр, граниттан құйылған. Ескерткіш бір жыл көлемінде дайындалған.

Айта отырайық, осыдан он жыл бұрын Семей қаласында Әлихан Бөкейхановтың қола бюсті ашылған болатын.