АҚШ Қазақстанды қауіпті мемлекет санайды
Қазақстан қауіпті мемлекеттер қатарына кіруі мүмкін! АҚШ сенаторы біздің жерден шыққан лаңкестер Америкада ойран салу ықтимал деп қорқып отыр
![Новости мира / АҚШ Қазақстанды қауіпті мемлекет санайды Новости мира / АҚШ Қазақстанды қауіпті мемлекет санайды](/upload/iblock/930/saxn3sdamfnz0fly1ov2ymtu682q0gxz/poezd_stolknulsya_s_legkovym_avtomobilem_v_kostanayskoy_oblasti.webp)
Фото:
vse.kz
Сондықтан қазақтарды мұқият тексеріп барып виза беруді талап етуде. Отандастарымызды қобалжытып қойған АҚШ сенаторы Рэнд Пол. Аса қауіпті елдердің тізімі енетін заң жобасын дайындаған ол бұл қатарға Қазақстанды да қосып қойыпты. Рэнд Полдың ойынша, біздің елден Құрама Штаттарға лаңкестер өтіп кетуі әбден мүмкін. Сондықтан АҚШ-қа баратын азаматтардың визаға өтінішін кем дегенде 30 күн қарастыруды ұсынып отыр.
«Қара тізімге» Қазақстаннан бөлек, Ресей, Тәжікстан, Өзбекстан, Қырғызстан, Ауғанстан, Түркия, Пәкістанмен қатар ұзын саны 40 мемлекет кіруі мүмкін. Бірақ, сарапшылар бұл АҚШ сенаторының саяси ұпай жинау үшін жанталасуы дейді.
Өйткені, республикашыл Рэнд Пол президент тағынан үміті барын жариялаған еді. Десе де, 2011 жылы да ресми Вашингтон Қазақстанды террорлық шабуыл жасауы мүмкін елдердің қатарына қосқаны есте.
Авторы: Сәкен Ерасыл