Шығыста қоян-қолтық ұрыстан турнир өтті

Отан қорғаушылар арасындағы айқас, қоян-қолтық ұрыстың бұл түрінен сайыс өткізуді «Шығыс» өңірлік қолбасшылығы тегіннен тегін таңдап алмаған. Қызметте қоғамдық  тәртіпті  бұзушыларды  құрықтауда мұндай спорт түрін игеру аса маңызды.

- Осындай мақсатпен  құрама команда жасақталды. Үздік шыққандар  ақпан айында Шымкент қаласында өтетін республикалық жарысқа бармақ. Алда бұдан өзге де  республикалық сайыстар күтіп тұр. Ал, оған тек мықтылардың мықтысын іріктеп алуымыз керек, - дейді  «Шығыс» өңірлік  қолбасшылығының дене дайындығы және спорт бастығы подполковник Александр Апасов.

Сайысқа 7 әскери бөлімнен 7 командаға бөлінген 40 тан астам офицерлер мен  сержанттар және сарбаздар қатысты. Мұндай турнирлер әдетте арнайы бөлімдер арасында ғана ұйымдастырылып келген. Биыл барлық бөлімнен қатысуға ниет білдіргендер де өз бақтарын сынауға мүмкіндік алды.Спортшылар  65 тен бастап   90 келіден  жоғары салмақта сынға түсіп, өз бағасын алды.