Өскеменде ат спорты маусымы - ашық!

Оған спорттық мектеп оқушылары мен әуесқой көкпаршылар қатысты. Аталмыш шараның мақсаты ұлттық спортты дамыту, салауатты өмір салтын ұстануға шақыру мен жастарды ат спортына баулу болды. Сондай-ақ ұйымдастырылған ойынға елуден астам шабандоз қатысты.

Көрсетілім бес түрлі ойынды қамтитын бағдарлама бойынша жалғасты. Олар: көкпар, теңге алу, қыз қуу, бәйге және аударыспақ. Бәйге ережесі 5 км қашықтықты бағындыруды талап етті. Ал аударыспаққа 50 кг, 60 кг, 70 кг, 80 кг және 80 келіден жоғары салмақ дәрежесіндегі серілер қатыса алды. Сондай-ақ, кәсіби спортшылармен бірге ат құлағында ойнайтын көрермендердің де өз бақтарын сынап көруге мүмкіндігі болды. Аталған ойын 2016 жылғы ат спортының маусымашары. Онда ойын көрсеткен командаларға облыс әкімінің арнайы мақтау грамотасы тарту етілді. Биыл қатысуға үлгере алмаған бәйге сүйер қауымның құлағына алтын сырға, дәстүрлі түрде өтіп келе жатқан «Салауатты бағдарлама» келер жылы да жалғасын табады.