Астанаға жаяу жеткен Ғалымжан Тоқтар Өскеменге оралды

Ғалымжанды салтанатты түрде қала тұрғындары және Өскемен қаласының әкімі Қуат Тұмабаев қарсы алды. Шаһар басшысы спортшыға жылы лебізін білдірсе, кәсіпкерлердің бірі Ғалымжанға спорт тауарларына тегін сертификат табыс етті.

- Бастапқыда қобалжып, көздеген мақсатыма жете қалмаймын-ау деген сәттер болды. Бірақ денем үйреніп алғаннан кейін бірқалыпты жүгіріп отырдым. Астанаға жеткеніме өте қуаныштымын. Бара салысымен ЕХРО-қалашықта болдым. Шымынды айтсам маған халықаралық көрменің өту барысы өте қатты ұнады, – деді Ғалымжан Тоқтар.

Спортшының жұбайы Еркегүл Мұқияттың айтуынша, алдағы уақытта шет елдерде халықаралық дәрежедегі ауқымды шара өтсе, Ғалымжан сол шараға да жаяу жүгіріп баруы мүмкін.