Тілсіз жаудың салдары дала қаңғыртты

Баспаналарынан шыққан қызыл жалынның күшті болғаны сонша, өрт сөндірушілер келіп өшіргенше үйлерінің сау-тамтығы қалмай жанып кеткен. Өрт түнгі бір жарымдар шамасында басталыпты. Тұрғындардың сөзінше, баспана отқа оранғанда желдің екпіні қатты болған. Кесірінен жалын үйді тез шарпып, сегіз отбасы қазір далада қалып отыр.

Шырт ұйқыда жатқан үй иелері түн ортасында шыққан өртті бірден сезе қоймапты. Тек тұрғындардың бірі қатты шыққан дыбыстардан оянып кетіп, өрт болып жатқанын байқап қалған екен.